काठमाडौँ/एसएस फाउण्डेशन र साहित्यिक पत्रकार संघले नेपाल पत्रकार महासंघको नवनिर्वाचित अध्यक्ष निर्मला शर्मालाई बधाई सहित सम्मान गरेको छ ।
कार्यक्रममा नवनिर्वाचित अध्यक्ष निर्मला शर्मालाई सम्मानपत्र हस्तान्तरण गर्दै राष्ट्रिय प्रजातन्त्र पार्टीका बरिष्ठ नेता एवम् संघिय सांसद पशुपति शम्सेर राणाले राज्यको चौथो अङ्ग भनेर मानिएको पत्रकारिताको इतिहासमा पहिलो पटक पत्रकार महिला नेतृत्वमा पुुगेकोले आम रुपमा खुशी छाएको बताए ।
एसएस फाउण्डेशनका संस्थापक एवम् राष्ट्रिय प्रजातन्त्र पार्टीका सह– कोषाध्यक्ष शोभित उप्रेतीले संयोजन गरेको कार्यक्रममा एसएस फाउण्डेशनका अध्यक्ष बरिष्ठ कलाकार मदनदास श्रेष्ठ, साहित्यिक पत्रकार संघका अध्यक्ष राधेश्याम लेकाली, नेपाल पत्रकार महासंघको नवनिर्वाचित केन्द्रीय सदस्य मनुका कुुँवर लगायतको सहभागिता रहेको थियो ।
प्रतिक्रिया दिनुहोस्