गित
सम्राट चौलागाई
हरेक विहानी तिमीलाई, नयाँ देख्ने मन छ
जीवनको अन्तिम मोडसम्म, संगै हिड्ने मन छ ।
श्रब्य श्रृङ्गार, चौबन्धिमा सजिएकी तिमी
लाज मान्दै परैबसी, टोलाउने मिमी
त्यही मनको ब्यथा, आफैतिर तान्न पाए
अङ्गालोमा न्यानो छर्दै, संगै जिउन पाए ।
मेरो खुशी तिमीलाई, तिम्रो पीडा लिन मन छ
जीवनको अन्तिम मोडसम्म, संगै हिड्ने मन छ ।
कर्मर मर्काई मलाई, जिस्काउने तिमी
संगै बसी नखराले, रुवाउने तिमी
दिलको स्वाद, मनको रस पिउन पाए
रोग व्यथा दुबै मिलि, सधै बाड्न पाए
तिम्रो गितमा शब्द भर्दै सुनाउने मन छ
जीवनको अन्तिम मोडसम्म, संगै हिड्ने मन छ ।
गजल
हरि प्नरसाद गाैतम
फुर्किन धन कमाएँ भनेर
दुई दिन अति रमाएँ भनेर
समाजमा देन के के दियौ
सोच कस्लाई सताएँ भनेर
घमण्डको चाङ छ तिमीमा
गर्ब छ अर्को दबाएँ भनेर
भिड भित्रको गुमनाम बन्छौ
कुर्लिन्छौ भिड भगाएँ भनेर
आँखा चिम्लेर रात पर्यो भन्नू
उस्तै हो रिसले लजाएँ भनेर
प्रतिक्रिया दिनुहोस्