६ कात्तिक चरिकोट
मेलुङ गाउँपालिका वडा नं २ घ्याङ सुकाठोकरका वडा सदस्य कमल थापा एकीकृत समाजवादी त्यागेर एमालेमै प्रवेश गरेका छन् ।
नेकपा एमाले विभाजनका बेला एस पार्टी रोजेका थापा एमालेको अधिवेशनका दिन पार्टी प्रवेश गरेका हुन ।
एस पार्टीमा करिब ३ महिना नबित्त्तै उनले परित्याग गरेका छन् ।
अधिवेशनका क्रममा मन्तब्य राख्दै थापाले एस नामको पार्टी जनतालाई भुल्याउन मात्र आएको विचार, सिन्द्धान्त र दृष्टिकोण केही नभएको तथ्य औँल्याए ।
एसमा लागेको केही समयमा नै आफूलाई दिक्दारी महशुश भएको र पार्टी प्रणालीको आभाष नै नभएको उनले बताए ।
एमालेको सूर्य चिन्हबाट आफू निर्वाचित भएको र जनताको मतको कदर गर्दै पुन एमालेमै सक्रिय रहने निर्णय गरेको थापाले जानकारी दिए ।
विभिन्न आश्वासन, सपना र लालसामा परेर नेकपा एमाले छोडेकाहरुलाई पनि छिटै एमालेमा फर्किएर काममा लाग्न सदस्य थापाले अपिल गरेका छन् ।
प्रतिक्रिया दिनुहोस्