दोलखा/लालिगुराँस युवा क्लब चरिकोटले आगामी माघ २० गते शुक्रवार मैत्रीपूर्ण फुटबल खेल आयोजना गर्ने भएको छ । आपसी सम्बन्ध विस्तार तथा जिल्लामा फुटबल खेलको प्रर्वद्धनको लागि मैत्रीपूर्ण खेल आयोजना गर्न लागेको क्लबका अध्यक्ष प्रविण श्रेष्ठले बताउनु भयो ।
मैत्रीपूर्ण खेलमा आयोजक लालिगुराँस युवा क्लब चरिकोट, भीमेश्वर नगरपालिकाको कर्मचारी, भीमेश्वर नगरपालिका भित्रका शिक्षक र भीमेश्वर ब्याडमिण्टन संघको टिम सहभागि हुने आयोजक लालिगुराँस युवा क्लबका अध्यक्ष प्रविण श्रेष्ठले बताउनु भयो ।
मैत्रीपूर्ण खेलको लागि टिम सहभागि शुल्क प्रतिटिम १५ हजार लिईने र उक्त रकम खेल सञ्चालन तथा सहभागि टिमहरु संलग्न बनभोजमा खर्च गरीने अध्यक्ष श्रेष्ठले बताउनु भयो । क्लबले हरेक महिना मैत्रीपूर्ण खेलकाे आयाेजना गर्ने अध्यक्ष श्रेष्ठकाे भनाई छ ।
माघ २० मा मैत्रीपूर्ण फुटबल
प्रतिक्रिया दिनुहोस्