दिनेश थापा
सिन्धुपाल्चोक/शनिवार रातिदेखि परेको अविरल बर्षाको कारण सिन्धुपाल्चोक जिल्लाको बाह्रविसे नगरपालिका वडा नम्बर ७ घुमथाङ भीरर्खकको पहिरोले १७ घर पुरीदा ६ जनाको मृत्यु भएको छ भने २४ जना बेपत्ता भएका छन् ।
भीरखर्कको पहिरोले वडा नम्बर ७ को नागपुजे र भीरखर्कको १७ घर पुरीएको सिन्धुपाल्चोकका प्रमुख जिल्ला अधिकारी उमेशकुमार ढकालले बताउनु भयो । शनिवार रातिदेखिको अविरल बर्षाले ठाडो खोलाको पानी पसेर वस्तीमा षति पुगेको स्थानियले बताएका छन् ।
जल तथा मौसम विज्ञान विभागको बाढी सूचना केन्द्रका अनुसार सिन्धुपाल्चोकको गुमथाङ, बाह्रविसे र आसपासको क्षेत्रमा ६ घण्टा ठूलो बर्षा भएको थियो । पहिरो प्रभावित क्षेत्रमा खोज तथा उद्दारको लागि सेना, जनपथ प्रहरी र सशस्त्र प्रहरीको तोलि पठाईएको प्रमुख जिल्ला अधिकारी ढकालले बताउनु भयो ।
आइतवार विहानै सभामुख अग्नीप्रसाद सापकोटा स्थलमार्गबाट पहिरो प्रभावित क्षेत्रमा पुग्नु भएको उहाँको प्रेस सल्लाहकार श्रीधर न्यौपानेले बताउनु भएको छ ।
प्रतिक्रिया दिनुहोस्