दोलखा/अविरल बर्षा पछि आएको भेलले बगाएर आईतवार देखी बेपत्ता दोलखाको विगु गाँउपालिका वडा नम्बर ७ राखामका निमदोर्जे शेर्पा–३६ अझै फेला नपरेको प्रहरीले जनाएको छ । स्थानीय तथा प्रहरीले खोजि जारी राखेको प्रहरी नायव उपरीक्षक दिपक खड्काले बताउनु भयो ।
उनको छोरो पासाङ शेर्पा–१२ भने आईतवार बेलुका मृत भेटिएको विगु वडा नम्बर ७ का वडा अध्यक्ष दलबहादुर श्रेष्ठले बताउनु भयो । शेर्पाको बाबु– छोरा आईतवार विहान घरबाट झण्डै एक घण्टाको दूरीमा रहेको तीनपाटेमा निगुरो टिप्न गएका थिए । सोहि क्रममा अविरल बर्षासंगै माथिबाट आएको भेलले बगाएर बाबु– छोरोलाई अम्बाटोल मुलखोलामा पु¥याएको थियो । निगुरो टिप्न गएका अर्का एक जना भने भागेर बचेको स्थानीयले बताए । शेर्पा बाबु– छोरालाई बगाएको खबर पाउने वित्तिकै प्रहरी तथा गाँउलेहरुले खोजि सुरु गरेका थिए ।
जिल्ला प्रहरी कार्यालय दोलखाका प्रहरी नायव उपरीक्षक दिपक खड्काले बेपत्ता निमदोर्जे शेर्पाको छोरालाई आईतवार बेलुकानै मृत भेटिएको भएपनि निमदोर्जे भने अझै फेला नपरेको बताउनु भयो ।
भेलले बगाएको छोरा मृत भेटिए, बाबु अझै बेपत्ता
प्रतिक्रिया दिनुहोस्