काठमाडौँ/नेपाली चलचित्रको सदावहार अभिनेतृ करिश्मा मानन्धरले आज नेकपा एमालेका अध्यक्ष एवं पूर्व प्रधानमन्त्री केपी शर्मा ओलीसंग उहाँको निवास बालकोट पुगेर भेट गर्नु भएको छ ।
लोक गायिका तथा सांसद कोमल ओली र हास्य कलाकार जीतु नेपालसंग बालकोट पुग्नु भएको अभिनेतृ मानन्धरले विविध विषयमा एमाले अध्यक्ष केपी शर्मा ओलीको विचार सुन्दा आफुलाई आनन्द लागेको उल्लेख गर्नु भएको छ ।
आज बेलुका आफ्नो फेसबुक पेज मार्फत एमाले अध्यक्ष केपी शर्मा ओलीसंग भेटेको तस्विर सार्वजनिक गर्दै अभिनेतृ मानन्धरले लेख्नु भएको छ – उहाँको नजिक बसेर विविध विषयमा उहाँको विचारहरु सुन्दा आनन्द आयो, सबै क्षेत्रका मानिसहरुलाई उत्तिकै महत्वका साथ लिनु भएकोमा र चासो मानेर कुरा सुनिदिनु भएकोमा आदर्णिय केपी ओली ज्युलाई धेरै धन्यवाद ।
केहि समय अघिदेखि अभिनेतृ करिश्मा मानन्धर एमाले निकट रहेको चर्चा चलिरहदा एमाले अध्यक्ष ओलीसंग भएको यहाँको भेटलाई चासोका साथ हेरिएको छ ।
प्रतिक्रिया दिनुहोस्