दोलखा/दोलखा जिल्लामा विहिवार (आज) एकै दिन २२ जना कोरोना संक्रमित थपिएका छन् । गत कार्तिक ८ गते स्वाव पठाईएका ४० जना मध्य २२ जनामा कोरोना पोजेटिभ देखिएको स्वास्थ्य कार्यालय दोलखाले जनाएको छ ।
कार्तिक ८ गते कन्ट्रायाक ट्रेसिङको आधारमा ६० जना र दोस्रो परिक्षणको लागि ५ जनाको स्वाव सङ्कलन गरी पठाईएकोमा कार्तिक १० गते राति २० जनाको रिर्पोट आएकोमा ९ जनाको कोरोना पोजेटिभ देखिएको थियो । विहिवार बाँकी ४५ जनाको रिर्पोट आएकोमा नयाँ ४० जनामा २२ जनाको कोरोना पोजेटिभ देखिएको तथा दोस्रो परिक्षण गरिएको पाँच जनामा ४ जनाको पोजेटिभ देखिएको स्वास्थ्य कार्यालय दोलखाका कोरोना फोकल पर्सन बासु अधिकारीले बताउनु भयो ।
कार्तिक ८ गते पठाईएको ६५ जनामा ३५ जनाको कोरोना पोजेटिभ आएको स्वास्थ्य कार्यालय दोलखाका कोरोना फोकल पर्सन अधिकारीले बताउनु भयो । दोलखा जिल्लामा अहिलेसम्म २ हजार ३ सय ६८ जनाको स्वाव सङ्कलन गरी पिसिआर परिक्षण गरिएकोमा १ सय २१ जनाको पोजेटिभ आएको अधिकारीले बताउनु भएको छ । त्यसमा ५९ जना ठिक भएको र हाल जिल्लामा ६२ जना सक्रिय संक्रमित रहेको अधिकारीले बताउनु भयो ।
दोलखामा विहिवार २२ नयाँ कोरोना संक्रमित थपिए
प्रतिक्रिया दिनुहोस्