दोलखा/दोलखाको तामाकोसी गाउँपालिकाका दुई जनामा मंगलवार कोरोना संक्रमण पुष्टि भएको छ ।
असोज १२ गते तामाकोसी गाउँपालिकाबाट ६ जनाको पिसिआर परिक्षणको लागि स्वाव सङ्कलन गरी पठाईएकोमा वडा नम्बर ६ का एक जना महिला र एक जना पुरुष गरी २ जनामा कोरोना संक्रमण पुष्टि भएको गाउँपालिका स्वास्थ्य शाखा संयोजक अरुण कुमार मिश्रले जानकारी दिनुभयो ।
केहि दिन अघि कोरोना संक्रमण पुष्टि भएका गाँउपालिकाको वडा अध्यक्षको सम्पर्कमा पुग्नु भएका उहाँहरुलाई केहि दिन देखी ज्वरो आएपछि पिसिआर परिक्षणको लागि स्वाव पठाईएको थियो । उहाँहरुलाई सदरमुकाम चरिकोटको आईसोलेसनमा राखिने गाउँपालिका स्वास्थ्य शाखा संयोजक मिश्रले बताउनु भयो ।
दोलखा तामाकोसी गापाका दुई जनालाई कोरोना संक्रमण
प्रतिक्रिया दिनुहोस्