दोलखा/दोलखामा सोमवार एक जना पुरुषको कोरोना संक्रमण बाट निधन भएको छ भने ४० जनामा कोरोना संक्रमण पुष्टि भएको छ । चरिकोट अस्पतालमा उपचार गराईरहनु भएका कालिञ्चोक गाँउपालिका वडा नम्बर ८ का ५० बर्षिय कोरोना संक्रमित पुरुषको सोमवार निधन भएको स्वास्थ्य कार्यालय दोलखाले जनाएको छ ।
चरिकोट अस्पतालमा रहेको पिसिआर प्रयोगशालामा एक सय ५८ जनाको स्वाव परिक्षण गरिएकोमा ४० जनामा कोरोना संक्रमण पुष्टि भएको सवास्थ्य कार्यालय दोलखाले जनाएको छ ।
संक्रमण पुष्टि हुनेमा भीमेश्वर नगरपालिकाका सात महिला र सात पुरुष गरी १४ जना, जिरी नगरपालिकामा एक जना महिला, बैतेश्वर गाँउपालिकामा आठ जना पुरष र सात जना महिला गरी १५ जना, तामाकोसी गाँउपालिकामा एक जना पुरुष, विगु गाँउपालिकामा एक जना महिला र एक जना पुरुष गरी दुई जना र कालिञ्चोक गाँउपालिकामा छ जना पुरुष र एक जना महिला गरी सात जनामा कोरोना संक्रमण पुष्टि भएको कार्यालयले जनाएको छ ।
त्यसैगरी सोमवार भीमेश्वर नगरपालिकाका छ जना कोरोना मुक्त भएर घर फर्किएको स्वास्थ्य कार्यालय दोलखाले जनाएको छ । जिल्लामा हाल दोस्रो लहरको कोरोनाका एक सय ८७ जना सक्रिय संक्रमित रहेको र त्यसमा १९ जना अस्पतालको आईसोलेसनमा उपचार गराई रहनु भएको पनि कार्यालयले जनाएको छ ।
दोलखामा सोमवार ४० जना कोरोना संक्रमित एक को मृत्यु
प्रतिक्रिया दिनुहोस्