दोलखा/नेपाली कम्युनिष्ट पार्टीले दोलखामा कार्यालय उद्घाटन तथा जिल्ला स्तरीय कार्यकर्ता भेटघाट कार्यक्रम आयोजना गरेको छ । शनिवार ¥याली सहित सहभागि नेता– कार्यकर्ताको उपस्थितिमा केन्द्रीय सदस्य गंगा कार्कीले पार्टी कार्यालयको उद्घाटन गरेका हुन् ।
कार्यक्रममा मन्तव्य व्यक्त गर्दै केन्द्रीय सदस्य गंगा कार्कीले जेन– जी आन्दोलन पछि राजनीतिक दलहरुलाई नयाँ मोडमा ल्याएको बताए । उनले भदौ २३ को जेन– जी आन्दोलनले माओवादीले उठाउदै आएको भ्रष्टाचारको अन्त्य, सुशासन, संविधान संशोधन जस्ता विषयलाईनै उठाएको र त्यो विषय अब सम्बोधन गर्नैपर्ने अवस्था बनेको बताए ।
भदौ २४ गते भने देश तहसनहस भएको र एउटा ठूलो विध्वङ्स तथा अराजक स्थिति बनेको उनले बताए । यसले साम्राज्यवादीहरुलाई हस्तक्षप गर्न बल मिलेको नेता कार्कीको भनाई छ । साम्राज्यवादी विरुद्ध लड्न सबै कम्युनिष्ट पार्टीहरु एकै ठाँउमा आउनु आजको आवश्यकता रहेको उनले बताए ।
केन्द्रीय सदस्य विशाल खड्काले कम्युनिष्ट पार्टीहरुले जनतामा आशा र भरोसा दिनुपर्नेमा धेरै कम्युनिष्ट पार्टीहरु हुदा जनतामा निराशामात्र दिएको उल्लेख गर्दै त्यो निराशालाई चिर्दे पुनः आशा र भरोसा दिलाउन नेपाली कम्युनिष्ट पार्टी निर्माण भएको बताए ।
नेपाली कम्युनिष्ट पार्टी दोलखाका नेता अशोक दहालको सभापतित्वमा सम्पन्न पार्टी कार्यालय उद्घाटन तथा कार्यकर्ता भेटघाट कार्यक्रममा नेता कमल श्रेष्ठ (ज्योती), अर्जुन योगी, महेन्द्र बहादुर कार्की, मुक्ति नारायण प्रधान, भरत दुलाल, चुनु केसी, बद्री चौलागाई, डम्बर बिक्रम कार्की, संगीता पाख्रिन, भीम दहाल, युवा नेता भरत रोहण श्रेष्ठ, कल्याण दहाल, तामाकोशी गाँउपालिकाका प्रमुख प्रोण प्रताप केसी, वडा अध्यक्ष मिन कुमार शिवाकोटी, युवराज खत्री लगायतले मन्तव्य व्यक्त गरेका थिए ।
कार्यकर्ता भेटघाट तथा एकता अभियान पालिका स्तरमा विस्तार गरिने नेपाली कम्युनिष्ट पार्टी दोलखाले जनाएको छ ।
प्रतिक्रिया दिनुहोस्