दोलखा/नेकपा एमालेको भातृ संगठन अनेरास्ववियु दोलखा र राष्ट्रिय युवा संघ नेपाल दोलखाले सदरमुकाम चरिकोटमा संयुक्त रुपमा सोमवार खुला रक्तदान कार्यक्रमको आयोजना गरेको छ ।
अनेरास्ववियुको ५९ औ स्थापना दिवस तथा राष्ट्रिय युवा संघ नेपाल दोलखाको ३४ औ स्थापना दिवसको अवसरमा आयोजित खुला रक्तदान कार्यक्रममा ३१ जना पुरुष र चार जना महिला गरी ३५ जनाले रक्तदान गरेको अनेरास्ववियुका केन्द्रीय सदस्य राजकुमार ढुङ्गेलले बताउनु भयो ।
नेपाल रेडक्रश शोसाईटी दोलखा शाखाको सहकार्यमा आयोजित खुला रक्तदान कार्यक्रमका सहभागिहरुलाई रेडक्रश शाखाका सभापति इश्वरी प्रसाद दहालले प्रमाणपत्र वितरण गर्नु भएको थियो ।
कार्यक्रममा नेकपा एमाले दोलखाका अध्यक्ष नरबहादुर श्रेष्ठ, अनेरास्ववियुका केन्द्रीय सदस्य राजकुमार ढुङ्गेल, अनेरास्ववियु दोलखाका संयोजक जिपछिरीङ शेर्पा, राष्ट्रिय युवा संघ नेपाल दोलखाका प्रवक्ता सरोज वस्नेत लगायतको सहभागिता रहेको थियो ।
प्रतिक्रिया दिनुहोस्