दोलखा/दोलखाको भीमेश्वर नगरपालिका वडा नम्बर ८ बोच घुम्तीमा आईतवार दुई वटा यात्रुवहाक बस आपसमा ठोक्कीएर दुर्घटना हुदाँ २२ जना घाईते भएको प्रहरीले जनाएको छ ।
चरिकोटबाट काठमाण्डौँ तर्फ जार्दै गरेको बा ३ ख ७४६३ नम्बरको अरनिको बस र काठमाडौँबाट दोलखाको मैनापोखरी तर्फ आउदै गरेको प्रदेश नम्बर ३–०१–००५ ख ९६९७ नम्बरको बस बोच घुम्तीमा आपसमा ठोक्किएर दुर्घटना हुँदा २२ जना घाईते भएको जिल्ला प्रहरी कार्यालय दोलखाका प्रहरी निरीक्षक राजेश सिग्देलले जानकारी दिनुभयो ।
प्रहरी निरीक्षक सिग्देलका अनुसार घाईतेहरुको चरिकोटमा रहेको पशुपति चौलागाँई स्मृति प्रदेश अस्पताल र सामुदायिक अस्पताल चरिकोटमा उपचार भएको छ । पशुपति चौलागाई स्मृति प्रदेश अस्पतालमा उपचार भएको सबै १७ जना विरामीको अवस्था सामान्य रहेकोले आवश्यक उपचार पछि घर पठाईएको अस्पतालका एमडिजिपि डाक्टर विनोद दंगालले बताउनु भयो ।
तस्विर: साैजन्य पशुपति चाैलागाई स्मृति प्रदेश अस्पताल, चरिकाेट
प्रतिक्रिया दिनुहोस्