दोलखा/दोलखाको जिरी नगरपालिकामा पर्ने भिसेपु स्थित झाक्रेको जङ्गलमा भालुको आक्रमणबाट दुई जना गम्भीर घाईते भएका छन् । शनिवार विहान ७ बजेतिर घाँसकाट्न गएका उनीहरुलाई भालुले आक्रमण गरेको थियो ।
भालुको आक्रमणबाट जिरी नगरपालिका वडा नमबर ९ का ५० वर्षिय जगत बहादुर सुनुवार र ५८ वर्षिय टिका सुनुवार घाईते भएको जिल्ला प्रहरी कार्यालय दोलखाका प्रहरी निरीक्षक अञ्जन कोईरालाले बताउनु भयो । उनीहरुको मुख लगायत शरिरको बिभिन्न भागमा चोट लागेको प्रहरीले जनाएको छ ।
घाईते दुबै जनालाई हेलिकप्टरबाट काठमाण्डौँ लगि ट्रमा सेन्टरमा उपचार भैरहेको र उनीहरुको अवस्थामा केहि सुधार भएको जानकारी आएको प्रहरी निरीक्षक कोईरालाले बताउनु भयो ।
भालुको आक्रमणबाट दुई जना घाईते
प्रतिक्रिया दिनुहोस्