दोलखा/दोलखाको लापिलाङमा एक युवकले खुकुरी प्रहार गरी श्रीमतीको हत्या गरेका छन् ।
शनिवार विहान करिब साढे दुई बजे आपसि विवादमा कालिञ्चोक गाँउपालिका वडा नम्बर ६ लापिलाङ आग्रालयका २७ बर्षिय हिमाल थामीले खुकुरी प्रहार गरी २१ बर्षिय श्रीमती सुनिता थामीको हत्या गरेको प्रारम्भीक अनुसन्धानबाट देखिएको दोलखाका प्रहरी प्रमुख प्रहरी नायव उपरीक्षक भेषराज रिजालले बताए ।
हत्याको खबर स्थानियले दिएपछि जिल्ला प्रहरी कार्यालय दोलखाबाट प्रहरी निरीक्षक अञ्जन कोईरालाको नेतृत्वमा गएको टोलिले आरोपी हिमाल थामीलाई कालिञ्चोक गाँउपालिकाकै वडा नम्बर ७ सिसागोलाईबाट पक्राउ गरेको थियो । हत्या आरोपीको खोजिमा घट्नास्थल आसपास पुगेको प्रहरी टोलिले श्रीमतीको हत्या गरी दोलखा सिंगटी सडक खण्डतिर आईरहेका हिमाललाई शनिवार विहान सिसागोलाईमा पक्राउ गरेको हो ।
आरोपी हिमालको पहिलो श्रीमतीले तीन बर्ष अघि झुण्डीएर आत्महत्या गरेको प्रहरीले जनाएको छ । आरोपीको पहिलो श्रीमती पट्टीबाट चार बर्षको छोरा र मृतक सुनिता पट्टीबाट १३ महिनाको छोरा रहेका छ ।
शनिवार विहानै सडक तिर आईरहेका हिमाललाई सोधपुछ गर्दा उनले आपसि विवादमा श्रीमतीको हत्या गरी प्रहरी कार्यालय तिर जानलागेको बताएको प्रहरी निरीक्षक कोईरालाले बताए । श्रीमतीको हत्या गरी भागेका हिमालको अनुहारमा रगतको छिटा समेत भएकोले पक्राउ गर्न सहज भएको प्रहरी निरीक्षक कोईरालाको भनाई छ ।
मृतक सुनिताको अनुहार र शरिरको विभिन्न भागमा खुकुरकिो चोट रहेको प्रहरीले जनाएको छ । प्रहरी नायव उपरीक्षक भेषराज रिजाल आफै घट्नाको अनुसन्धानको लागि घट्ना स्थल पुगेका छन् ।
आपसि विवादमा श्रीमतीको हत्या
प्रतिक्रिया दिनुहोस्