दोलखा/नेकपा एमाले दोलखाले सदरमुकाम चरिकोटमा बृहत जागरण सभा कार्यक्रमको आयोजना गरेको छ । गणतन्त्रको रक्षा र लोकतन्त्रको सशक्तिकरण गर्ने उदेश्य सहित आयोजना गरिएको जागरण सभाको क्रममा सहभागिहरुले गणतन्त्रको पक्षमा नारावाजी गर्दै बजार परिक्रमा गरेका थिए ।
कार्यक्रममा मन्तव्य व्यक्त गर्नुहुदै पूर्व मन्त्री, नेकपा एमालेका पोलिटब्युरो सदस्य एवम् दोलखा जिल्ला इन्चार्ज पार्वत गुरुङले नेपालमा राजसंस्था पुर्नस्थापनाको कुनै गुञ्जायस नरहेको बताउनु भयो ।
पोलिटब्युरो सदस्य गुरुङले राजावादीहरुले राणा र पञ्चायत शासन जस्तै निरंकुशताको चाहना राखेर राजसंस्था पूर्नस्थापनाको कुरा गरेको उल्लेख गर्दै नेपाली जनताले कुनैपनि प्रकारको निरंकुशता नसहने बताउनु भयो । उहाँले दोलखा जिल्लामा राजावादीहरुको कुनै स्थान नहुने समेत बताउनु भयो ।
पूर्व मन्त्री एवम् एमाले पोलिटब्युरो सदस्य गुरुङले दोलखाको विकासको लागि लामाबगर– लप्ची नाकाहुदै त्रिदेशीय मार्ग सञ्चालन आवश्यक रहेको उल्लेख गर्नुहुदै त्यसको लागि एमालेले नेतृत्वदायी भूमिका निर्वाह गरिरहेको बताउनु भयो । उहाँले दोलखाको विकासको लागि एमालेले सडक, स्वास्थ्य, शिक्षा, कृषि, पर्यटन, जलश्रोत जस्ता कुरा प्राथामितामा राखेर अघि बढाई रहेको बताउनु भयो ।
नेकपा एमाले दोलखाका अध्यक्ष नरबहादुर श्रेष्ठको सभापतित्वमा सम्पन्न जागण सभामा नेकपा एमालेका नेता एवम् बागमति प्रदेश सांसद भरत बहादुर केसी, नेकपा एमाले बागमति प्रदेश कमिटी उपसचिव भक्तकुमारी लामा, एमाले दोलखाका उपाध्यक्ष राजेन्द्र मानन्धर, सचिव स्वयम बहादुर खड्का र उपसचिव हरि ओलीले मन्तव्य व्यक्त गर्नु भएको थियो ।
प्रतिक्रिया दिनुहोस्