दोलखा/नेपाल उद्योग तथा व्यवसायी महासंघको तेस्रो महाधिवेशनबाट दोलखाका सात जना सफल व्यवसायीहरु केन्द्रीय पदाधिकारी तथा सदस्यमा सर्वसम्मत चयन हुनु भएको छ ।
नेपाल उद्योग तथा व्यवसायी महासंघको महासचिवमा बालकृष्ण शिवाकोटी चयन हुनुभएको छ । शिवाकोटी सर्वसम्मत रुपमा महासचिवमा चयन हुनुभएको हो । नेकपा एमालेको नेता, सफल उद्यमी एवम् समाजसेवी शिवाकोटी दोलखाको कालिञ्चोक गाउँपालिका निवासी हुनुहुन्छ ।
त्यसैगरी महासंघको केन्द्रीय सदस्य एवम् बागमती प्रदेश इञ्चार्जमा दोलखाका सुन्दर कार्की चयन हुनुभएको छ । कार्की श्रृजन कन्स्ट्रक्सन एण्ड सप्लायर्सका सञ्चालक हुनुहुन्छ । त्यसैगरी केन्द्रीय सदस्यमा दोलखाबाट सरस्वती राई, सरिता ओली, मनोज शिवाकोटी, आरसी ओली र पूर्णिमा खरेल चयन हुनुभएको छ ।
महासंघको नवनिर्वाचित समितिमा अध्यक्ष भगीरथ सापकोटा, खुल्ला उपाध्यक्ष सुवर्ण श्रेष्ठ, उपाध्यक्ष शोभा गुरुङ, उपमहासचिव डिम प्रकाश पौडेल र सचिवहरुमा रामराजा श्रेष्ठ, गोपाल खनाल, डोलनाथ खनाल तथा सरोज कुमार यादव चयन हुनुभएको छ ।
नेपाल उद्योग तथा व्यवसाय महासंघमा दोलखाका सात जना निर्वाचित
प्रतिक्रिया दिनुहोस्