दोलखा/धार्मिक एवम् प्राकृतिक महत्वको कालिञ्चोकको टाँपुमा हाई अल्टिच्युट एन प्लस कालिञ्चोक फेसन रनवे– २०८१ (सिजन– २) सम्पन्न भएको छ ।
ब्राईट इभेन्ट म्यानेजमेन्ट दोलखाले आयोजना गरेको एन प्लस कालिञ्चोक फेसन रनवे– २०८१ को मुख्य स्टपरको रुपमा बरिष्ठ अभिनेत्री करिश्मा मानन्धर रहनु भएको प्रोपाईटर राजन बुढाथोकीले बताए ।
तीन हजार आठ सय ४२ मिटरको उँचाईमा रहेको कालिञ्चोक टाँकुरामा आयोजना भएको यो कार्यक्रम नेपालमै पहिलो रहेको प्रोपाईटर बुढाथोकीको भनाई छ ।
प्रसिद्ध कालिञ्चोक भगवती मन्दिर र कालिञ्चोकबाट देखिने हिमश्रृङ्खलाहरु को थप पर्यटकी प्रमोशनको लागि कार्यक्रम आयोजना गरिएको बुढाथोकी बताउछन् । एन प्लस कालिञ्चोक फेसन रनवे– २०८१ मा ३० जना मोडलहरुले सहभागिता जनाएको आयोजक ब्राईट इभेन्ट म्यानेजमेन्ट दोलखाले जनाएको छ ।
कार्यक्रममा बरिष्ठ अभिनेतृ करिश्मा मानन्धरसंगै मिस ग्राण्ड पेमा लामगाडे, फरक क्षमता भएका कलाकार सुजल बम, म्यानहन्ट इन्टरनेश्नल– २०१२ सनिस शाक्य लगायतको सहभागिता रहेको थियो ।
ब्राईट इभेन्ट म्यानेजमेन्ट दोलखाले सन् २०१८ मा जिल्लामै पहिलो पटक मिस दोलखाको समेत आयोजना गरेको थियो ।
प्रतिक्रिया दिनुहोस्