दोलखा/दोलखाको लेखक/ साहित्यकार सुशिला शर्मा न्यौपानेको तेस्रो पुस्तक भुमरी उपन्यास शनिवार बिमोचन भएको छ । सदरमुकाम चरिकोटमा भानु विद्यापति साहित्य प्रतिष्ठानको संयोजनमा आयोजित कार्यक्रममा भीमेश्वर नगरपालिकाका नगर प्रमुख इश्वर नारायण मानन्धरले पुस्तकको विमोचन गर्नु भएको हो ।
शर्माले यस अघि २०७१ सालमा पूर्णाङ्की नाटक परिवेश भित्रका मान्छेहरु र २०७६ सालमा पूर्णाङ्की नाटक गन्तव्य प्रकाशित गरीसक्नु भएको छ । दोलखाको विगु गाँउपालिकाको बुलुङमा जन्मनु भएको शर्माले बिभिन्न पत्रिकाहरुमा नाटक, कविता, लेख प्रकाशित गर्दै आउनु भएको छ ।
भानु विद्यापति साहित्य प्रतिष्ठानको अध्यक्ष शङ्करलाल श्रेष्ठको सभापतित्वमा सम्पन्न पुस्तक विमोचन कार्यक्रममा भीमेश्वर नगरपालिकाका नगरप्रमुख इश्वर नारायण मानन्धर, उपप्रमुख कमला वस्नेत, मेलुङ गाँउपालिकाका उपप्रमुख गायत्री आचार्य, नेपाल पत्रकार महासंघ दोलखा शाखाको अध्यक्ष दीपशङ्कर चौलागाई लगायतले मन्तव्य व्यक्त गर्नु भएको थियो भने दोलखाका प्रमुख जिल्ला अधिकारी एवं साहित्यकार कोमल प्रसाद धमलाले पुस्तकको समिक्षा गर्नु भएको थियो ।
चालिस खण्ड र एक सय ६१ पेजको उपन्यास भुमरीको प्रकाशक गोपाल प्रसाद न्यौपाने रहनु भएको छ ।
सुशिला शर्माको उपन्यास भुमरीको विमोचन
प्रतिक्रिया दिनुहोस्