सम्राट चौलागाई
थोत्रा र पुराना पुस्तक खोजेर पढ्नु छ
च्यातिएका, उध्रीएका लुगा सिएर लाउनु छ
किन होला पुर्खाका उखान धेरै सिक्नु छ
सत्यको विउ रोपेर मङ्गल धुन बजाउनु छ ।
ढुङ्गा कुटी, मूर्ती कुँदी तिम्रो रुप बनाए
अप्सराको न्यास्रो मेट्ने चित्र बनाए
दुनियाँको नयाँ नक्सा, नयाँ नै जीवन
शुख दिने, माया साट्ने फुलको आँगन ।
उस्को हैन हाम्रो भन्ने समाज बनाउनु छ
गलत हैन सहि गरौ भन्ने मान्छे खोज्नु छ
माया अनि दयाको भावना लिएर हिड्नु छ
झुकेर हैन उठेर यहाँ सत्यलाई जिताउनु छ ।
जन्मेर मर्नु त छदैछ, अनेकौ छटपटिमा
जालो फोरेर निस्कनु छ अध्यारो औंशीमा
नाता जोडर प्रेरणाको सिद्ध मूर्ती बनेर
अगाडी बढ्नु छ जीवनमा आशाको ज्योती बनेर ।
प्रतिक्रिया दिनुहोस्