दोलखा/दोलखाको विगु गाँउपालिका वडा नम्बर –४ लादुक चित्रेमा भएको ट्याक्टर दुर्घटनामा परी एक जनाको ज्यान गएको छ । तीन जना घाईते भएको प्रहरीले जनाएको छ ।
दुर्घटनामा स्थानीय २४ बर्षिय किसन सार्कीको ज्यान गएको जिल्ला प्रहरी कार्यालय दोलखाका प्रहरी निरीक्षक राजेश सिग्देलले बताउनु भयो । दुर्घटनामा सख्त घाईते सार्कीलाई सिंगटीमा प्राथामिक उपचार गरी थप उपचारको लागि काठमाडौँ लैजाने क्रममा बाटोमै मृत्यु भएको प्रहरीले जनाएको छ ।
दुर्घटनामा परी स्थानीय २५ बर्षिय जीवन नेपाली, २३ बर्षिय रामबहादुर नेपाली र १८ बर्षिय सुरज खत्री घाईते भएको प्रहरीले जनाएको छ ।
सोमवार दिउँसो १ बजेतिर ढुङ्गा पु¥याएर फर्कदै गर्दा सिंगटीबाट लादुक जाने कच्ची सडक खण्डको चित्रे रमिते गोलाईमा उक्त दुर्घटना भएको थियो । दुर्घटनाको बारेमा थप अनुसन्धान भै रहेको प्रहरी निरीक्षक सिग्देलले बताउनु भयो ।
ट्याक्टर दुर्घटनामा एकको मृत्यु, तीन घाईते
प्रतिक्रिया दिनुहोस्