दोलखा/दोलखा सदरमुकाममा रहेको चरिकोट गुठीको १२ औ बार्षिक साधारण सभा सम्पन्न भएको छ । साधारणसभाको उद्घाटन दोलखा भीमेश्वर नगरपालिका वडा नम्बर ३ का वडा अध्यक्ष हरिशरण शिवाकोटीले गर्नु भएको थियो ।
चरिकोट गुठिका अध्यक्ष रामदास श्रेष्ठको अध्यक्षतामा सम्पन्न कार्यक्रममा वडा नम्बर ३ का वडा अध्यक्ष हरिशरण शिवाकोटी, नेपाल उद्योग बाणिज्य महासंघका केन्द्रीय सदस्य रामेश्वर मानन्धर, प्रेश काउन्सील नेपालका सदस्य चिरञ्जीवी मास्के, दोलखा जिल्ला फुटबल संघका अध्यक्ष गोविन्द श्रेष्ठ, चरिकोट गुठिका सचिव मनकुमार श्रेष्ठ र सदस्य विमल श्रेष्ठले मन्तव्य व्यक्त गर्नु भएको थियो । सो अवसरमा चरिकोट गुठिमा आवद्ध ८० बर्ष पुरा भएका जेष्ठ नागरिक, चरिकोट गुठिका पूर्व अध्यक्ष र चरिकोट गुठिलाई सहयोग गर्ने सदस्यहरुलाई नगद सहित सम्मान गरिएको थियो ।
साधारण सभाले रामदास श्रेष्ठको अध्यक्षमा १५ सदसिय नयाँ कार्य समितिको चयन गरेको छ । समितिको उपाध्यक्ष प्रविण श्रेष्ठ र नारायणभक्त श्रेष्ठ, सचिव मनकुमार श्रेष्ठ, सहसचिव अनिता श्रेष्ठ, कोषाध्यक्ष गोपालबहादुर श्रेष्ठ तथा सदस्यहरु रोशन श्रेष्ठ, कल्पना श्रेष्ठ, भुवनकुमार श्रेष्ठ, अश्विन श्रेष्ठ, रोशना श्रेष्ठ, श्रीराम श्रेष्ठ, बालकुमारी श्रेष्ठ, विमल श्रेष्ठ र अमृतबहादुर श्रेष्ठ रहनु भएको छ ।
प्रतिक्रिया दिनुहोस्