दोलखा/दोलखा जिल्ला फुटबल रेफ्री संघले अखिल नेपाल फुटबल संघको केन्द्रीय सह महासचिवमा मनोनित दोलखा जिल्ला फुटबल संघका पूर्व अध्यक्ष बाबुकाजी वस्नेतलाई सम्मान गरेको छ ।
अखिल नेपाल फुटबल संघको केन्द्रीय पदाधिकारीमा दोलखा जिल्लाबाट पहिलो पटक प्रतिनिधित्व गर्नु भएको वस्नेतलाई संघले सम्मान तथा बधाई ज्ञापन गरिएको अध्यक्ष रामनाथ शिवाकोटी (बिदुर) ले बताए ।
त्यसैगरी बागमति प्रदेशको राजधानि हेटौडामा सम्पन्न एन्फा रेफ्री तालिममा दोलखा जिल्लाबाट सहभागि भै सफलता प्राप्त गरेका उत्तम खत्री र सिलोज श्रेष्ठलाई पनि संघले सम्मान गरेको छ ।
दोलखा जिल्ला फुटबल रेफ्री संघका अध्यक्ष रामनाथ शिवाकोटी (बिदुर) को सभापतित्वमा सम्पन्न बधाई तथा सम्मान कार्यक्रममा अखिल नेपाल फुटबल संघको केन्द्रीय सह महासचिव बाबुकाजी वस्नेत, दोलखा जिल्ला फुटबल संघका अध्यक्ष गोविन्द श्रेष्ठ, दोलखा जिल्ला फुटबल रेफ्री संघका सल्लाहकार चिरञ्जीवी मास्के र सन्तोष रिमाल, महासचिव रोशन कुमार श्रेष्ठ तथा सदस्य सन्तोष पाठकले बधाई तथा शुभकामना दिनु भएको थियो ।
प्रतिक्रिया दिनुहोस्