दोलखा/दोलखा डान्स क्रूले आयोजना गरेको दोलखा डान्स च्याम्पियन सिजन १ को विजेता पुर्णिमा राणा जिरेल भएकी छन् । उनले आफ्ना १५ भन्दा बढी प्रतिस्प्रर्धीलाई उछिनेर दोलखा डान्स च्याम्पियन सिजन १ को ट्रफी उचाल्न सकेकी हुन् ।
प्रतियोगीतामा फस्ट रनरअप अल्पाईन पब्लिक स्कूल र सेकेन्ड रनरअप कालिञ्चोक माध्यामीक विद्यालय भएका छन् । प्रतियोगीताका विजेतालाई नगद २५ हजार सहित ट्रफी र प्रमाणपत्र, फस्ट रनरअपलाई नगद १५ हजार, ट्रफी र प्रमाणपत्र तथा सेकेन्ड रनरअपलाई नगद ५ हजार, ट्रफी र प्रमाणपत्र प्रदान गरिएको दोलखा डान्स क्रू का अध्यक्ष बिष्णु शिवाकोटीले बताए ।
प्रतियोगीताको निर्णायकमा नेपाली चलचित्रका कोरियोग्राफर राजेन्द्र कमल राई, छमछमी सिजन तीनको विजेता सरोज राना र छमछमी सिजन तीनका सेकेन्ड रनरअप शेखर घर्तीमगर रहेका थिए ।
प्रतियोगीताका विजेताहरुलाई पुरस्कार वितरण कार्यक्रममा जिल्ला समन्वय समिति दोलखाका प्रमुख डबल पाण्डे, भीमेश्वर नगरपालिकाका प्रमुख भरतबहादुर केसी, प्रमुख जिल्ला अधिकारी रमेश शिवाकोटी लगायतको सहभागिता रहेको थियो । सो अवसरमा राष्ट्रिय ख्यातिप्राप्त कलाकारहरुको प्रस्तुति समेत रहेको थियो ।
प्रतिक्रिया दिनुहोस्