दोलखा/दोलखामा रहेको प्रसिद्ध धार्मिक स्थल कालिञ्चोक टाँपुमा शनिवार साँझबाट हिमपात भएको छ । यो बर्ष पुष– माघमा हिमपात नभएको कालिञ्चोकमा चैतको दोस्रो साता हिमपात भएको हो ।
शनिवार साँझ ५ः३० बजेबाट सुरु भएको हिमपात राति ७ बजेसम्म भएको कालिञ्चोक कुरीमा रहेको सुनपाती होटलका मेनेजर बिमल ओझाले बताए । शनिवार विहान २ः३० बजे केही समय हिमपात भएको थियो ओझाले भने– त्यसपछि साँझ ५ः३० बजेबाट भने निक्कै हिमपात भयो ।
झण्डै ढेड घण्टा लगातार हिमपात भएपछि आधा फीट जति हिउँ जमेको होटल सुनपातीका मेनेजर ओझाले बताए । यो बर्ष पुष– माघमा हिमपात नभएपछि कालिञ्चोक पुग्ने पर्यटकको संख्यामा निक्कै कमी आएको ओझाले बताए ।
आज शनिवार पनि खासै पर्यटक छैनन् उनले भने– हिमपात राम्रैसंग भएकोले आईतवार देखी पर्यटक बढ्ने अपेक्षा गरेका छौ ।
तीन हजार आठ सय ४२ मिटर उँचाईमा रहेको कालिञ्चोकमा गत बर्ष माघ महिनाको सुरु देखिनै हिमपात भएको थियो ।
प्रतिक्रिया दिनुहोस्