सम्राट चौलागाई
बोझले थिचेको मन, हाँसेर के फरक पर्छ र
पिसेपनि, उसिनेपनि, चनालाई के फरक पर्छ र
मृत्यु हो अन्त्य भन्ने, कसलाई याद छैन र
निमोठी वा चिमोठी, आखिर दुख्ने हैन र
शिरमा छ बोझै बोझ, निहुरी रहन्छ
उठाएर शिर तिम्रो सामु, हाँसेकै हैन र
तिमीले नराम्रो देखेकै छौ, म रोएर के फरक पर्छ र
बाटोको फुललाई राम्रो सोचेर, कुल्चे नि के फरक पर्छ र
भोली जाने घाटमै हो, अन्त कहाँ छ र
गएपछि हास्दै आउन,े यहाँ को नै छ र
तितो– मिठो सबै उस्तै, जिउन जान्नु रैछ
मिठो या नमिठो छान्दै, पिउन जान्नु रैछ
गोजी रित्तो भएपछि, अरुको धनले के नै गर्छ र
आफ्नो दुःखमा रमाउदै छु यहाँ, तिमीलाई फरक पर्छ र ?
प्रतिक्रिया दिनुहोस्