दोलखा/दोलखामा शुक्रवार अहिलेसम्मकै सर्वाधिक ८५ जनामा कोरोना संक्रमण पुष्टि भएको छ । चरिकोट अस्पतालमा रहेको पिसिआर प्रयोगशालामा दुई सय दुई जनाको स्वाव परिक्षण गरिएकोमा ५६ जना पुरुष र २९ जना महिला गरी ८५ जनामा कोरोना संक्रमण पुष्टि भएको सवास्थ्य कार्यालय दोलखाले जनाएको छ ।
कोरोना संक्रमण पुष्टि हुनेहरु मा भीमेश्वर नगरपालिकाका १७ जना पुरुष र १४ जना महिला गरी ३१ जना, बिगु गाउँपालिकाका १५ जना पुरुष र दुई जना महिला गरी १७ जना, गौरीशंंकर गाउँपालिकाका दुई जना पुरुष, बैतेश्वर गाउँपालिकाका आठ जना पुरुष र दुई जना महिला गरी १० जना, तामाकोसी गाउँपालिकाका नौ जना पुरुष र १० जना महिला गरी १९ जना, मेलुङ गाउँपालिकाका एक जना पुरुष तथा कालिञ्चोक गाउँपालिकाका चार जना पुरुष र एक जना महिला गरी पाँच जना रहेका छन् । शुक्रवारसम्म जिल्लामा दोस्रो लहरको कोरोनाका चार सय १० जना सक्रिय संक्रमित रहेको पनि कार्यालयले जनाएको छ ।
थप १५ दिन निशेधाज्ञा
दोलखामा थप १५ दिन निषेधाज्ञा जारी गरिएको छ । जिल्लामा कोरोना संक्रमितको संख्या बढ्दै गएपछि जिल्ला सङ्कट व्यवस्थापन केन्द्रमा भएको छलफल पछि स्थानिय प्रसाशनले जेठ १५ गतेसम्मको लागि निषेधाज्ञा जारी गरेको हो । निषेधाज्ञाको समयमा विवाह, ब्रतबन्ध, कुलपुजा लगायतका भिडभाड हुने सबै कार्यक्रम गर्न रोक लगाएको जिल्ला समन्वय समिति दोलखाका प्रमुख डबल पाण्डेले बताउनु भयो ।
दोलखाः संक्रमित ८५ जना, निषेधाज्ञा जेठ १५ सम्म
प्रतिक्रिया दिनुहोस्